Har rah par kathinai hai,
Par sab ka samadhan hai,
Fir bhi haar jaate hain hum,
Kyoki hum insaan hain,
Mushkil keh kar adh jaate hain,
Aage badhne se darr jaate hain,
Haar Humein manzoor nai,
Aur chahiye sab kuch Sahi,
Ek seb kharab ho toh,
Peti kharab kar deta hai,
Ek soch kharab ho toh,
Din barbaad kar deti hai,
Par jab khana hi,
Ek seb hota hai,
Toh 100 mein se,
Ek hi chuna jata hai,
Waise hi khayal chunein toh,
Socho kya kya ho sakta hai,
Namumkin kuch hota nahi,
Nahi hota jab tak nahi hota hai,
Toh ek baar fir lad le na tu,
Dekh sapna kaise pura hota hai,
Sab bane hain ek jaise,
Duniya Mein aaye ek jaise,
Ek ki Jeb khali kyu fir,
Aur kyu duje par anginat paise,
Kaam karte hain saare hi,
Koi kam koi zyada,
Par Kaameyaab hona,
Rehta hai sab ka irada,
Fir kyu kuch peeche rehte hain,
Aur kucch badhte hi rehte hain,
Shareer wahi dimag wahi,
Jeetne ki sab ki soch bhi sahi,
Fir bhi kuch peeche rehte hain,
Har pal mein bass gham sehte hain,
Unko ab jagana hoga,
Fir se yaad dilana hoga,
Jeetna unka adhikar hai,
Haar maan na bekaar hai,
Har koi sab kuch Paa sakta hai,
Jo duniya mein aaya hai,
Akhir duniya ko jeene layak,
Insaan ne hi toh banaya hai,
Har namumkin kaam ko,
Mumkin hum ne banaya hai,
Toh Ho khade ek baar fir,
Aur apne dil ko samjha do,
Koi kaam mushkil nahi,
Har kaam aasaan hai,
Sapne pure karna toh,
Baye haath ka kaam hai,
Jo chahe kar jaa ab tu,
Teri jeet ko tera intezaar hai,
Aur dikha de ab sab ko tu,
Akhir tu bhi toh Insaan hai!!!!!
